حيرة

                                  حالة الحيرة تستحوذ عليّ ..
                                كل تفاصيلي اصبحت ممَوهه
                                         عيني وما تراه..
                                         اذني وما تسمعه ..
                                         لساني وما يقوله ..
                                        قلبي وما يؤمن به..
                                       عقلي وما يفكر به ..
..                     والحيرة رمــاديه ..لا تستوضح اي تفاصيل..
                        فكنت افزع لفقد الاشياء قدرتها على التمايز..
    ولكنني بعد فترة ما اعتدتها واتى النسيان على كل ذكرى ..فمحاها وكأن لم تكن.
...         وتمضي الايام وقد اعتقدت ان هذا هو العالم الذي نعيش فيه ..
                           

                              إلى ان اشرقت الشمس في احدها ..
                         وعادت الالوان لتلون كل ما كان رماديا ..
                     فأصيبت بلوثة عقلية ..تبعها جنون وصراخ والم ..
                        واجتاحت التشجنات كل عضلة في الجسد ..
                         وتوقف النفس والقلب واغمضت العينين
                                 وارتخى الجسد الى الابـــد

أريــــــــد أنـــــ

       أريــــــد أنــ ابكـــي حتــى يتملكنـــي الضحـــك ..
              أريــــــد انــ اهــرب حتى يتملـكني الأمـــــــــــانـ ..
                                                                     اريــــــد أنــ أعطـــي حتى
                                                        يتملـكني الاكتفــــــــاء .. 

اللـــــــــــــــــي باقـــــــــــــــــي من الحــــيـــــــــــــاة

                                

 

 

                                           واللي باقي من الحياة
                                       شوية شغل لسه مخلصتوش
                                             او حلم مكملتوش ..
                          طريق مشيت فيه وفي نصه تهت وموصلتلوش
                                       او كلام حلو اتقال محستوش
                                      جواب عشق وصل مفتحتوش
                                         لحظة صفا لسه مجتش
                                او عين اطفى ضيها بـ طلقة خرطوش
                                     في شارع ضلمة منورهوش
                                وبلد ناسها قطعوا في بعض مرحموش
...                             وشبابها فرصهم ضايعة محصلوش
                           حاجة من اللي فات ولا للي جاي عارفين يبنوا
                                      صحيت الضمير مكتمتوش
                                   صرخ بكلام في قلبي مخبتهوش
                                        بس الحروف مكتبتهوش

قلم رصاص

                                                 وقلم الرصاص بيشخبط ..واسمع في خبطاته النُقَط ..
 
                                    واحسه وهو بينحني في رسم الحروف ..ياخد من دلال الكلام في حركاته..
 
                                                 يكتب في اللقاء والرحيل .. و يصور السمو والرذيل ..
 
                                               يتغنى في الغزل والحب ..و يشجب في الهجاء والحرب ..
 
                                                  .ويحكيلي قصص النهايات و ينهيلي اول البدايات ..
 
                                                                                                                       # قلمي الرصاص

شخصية بطلة

ايه الدليل على اني عايشة ..
مش يمكن اكون شخصية في قصة خيالية وبتمثل دورها ..
فصل البداية ومعروف ..
والكاتب لسه مخلصش حكايته ...
السؤال هو ..هي ايه كينونة الحياة ..عشان احكم عايش او مش عايش ..
ما اذا فيه حجات بتتخطى الادراك البشري ..
يبقى ايه اللي يخلي القوانين موجودة واي مسميات تانية يكون ليها تأثير ..
في حياتنا !! ...
دا تساؤل الكاتب بس قاله على لساني ..انا شخصيته البطلة في قصته

احبها او اكرهها

احبها او اكرهها
لو فيه خط فاصل بين احبها واكرهها ..
يمكن هختار اقف عليه ..
بس مفيش ..
لانك لو محبتهاش هتكرهها ولو مكرهتهاش هتحبها ..
... الحب جزء فطري في التكوين البشري صحيح ..
بس بيتأثر بالعوامل الجوية ..
يعني ممكن ينشف ويتكسر ..
وممكن يكبر ويزّهر كمان ..
على حسب البيئة اللي هيلاقي نفسه طلع فيها ..
ومقدرش اقول لحد انت غلطان عشان محبيتهاش ..
اصلها دلوقت بتمر بأصعب مرحلة يمكن تكون مرت عليها ..
هي مبقتش قادرة تدي حد ..
ومحتاجة الناس تقفلها وتسندنها ..
مش اي ناس !!
ناس هتفضلها عن اي شيء في الحياة ...حتى احيانا حياتهم نفسها !! ممكن يضحوا بيها عشان خاطرها ..
.....اه زي ما انت شايف ارواح كتير لازم تضحي عشان اللي جايين يلاقوا المكان ينفع يتعاش فيه..

# عن مصر اتحدث

السؤال هو ..اين انت

لما يبقى جواك كلاااام كتييير ..ومتلاقيش حد تشاركه ..

هتسكت وبس..لكن كل نظرة هتفضح كل اللي لسانك مقلهوش ..

لو صدف ..وقابلت حد بيفهم ...هيقراك ..هيفصصك ..ويعرف كل حاجة ..

ومن اول لمسة حنينه هيفيض بيك ..

وهتتكلم وكأنك لاول مرة بتتكلم .. وتسمع صوتك ..وتشك حتى انه بتاعك ..

ويمكن متعرفش نفسك ساعتها لما تيجي تتاكد ..

وكل علامات الدهشة تتجمع عشان تواسيك ..وترسم بسمة صغيرة على شفايفك ..

السؤال هو ..

اين انت ؟!